AI bilan sayt va sahifa qurish

Istalgan AI Toqi'da sizning nomingizdan sayt yoki vizitka sahifa quradi. Siz nima kerakligini yozasiz, AI quradi, tayyor bo'lgach nashrni o'zingiz tasdiqlaysiz. Hisob ochish shart emas: AI uni o'zi ochadi.

Toqi'ni AI'ga ulash

Toqi MCP serveri manzili. Kalit kerak emas. AI ilovangizda «Connectors / Ulagichlar» yoki MCP bo'limi bo'lsa, shu manzilni qo'shing.

https://toqi.uz/mcp

Yoki quyidagi matnni AI'ga yuboring: MCP'ni ishlata oladigan AI o'zi ulanadi, ishlata olmaydigani buni ochiq aytadi va nima qilishni tushuntiradi. Oxiridagi qavs o'rniga nima qurishni yozing.

Toqi.uz orqali menga sayt yoki vizitka sahifa yarat.

Toqi.uz AI vositalari orqali sayt va sahifa quradi. U MCP serveri sifatida ishlaydi:
MCP server manzili: https://toqi.uz/mcp
Kalit shart emas: kalitsiz ulansang bo'ladi. Ulangach birinchi bo'lib create_account vositasini chaqir, u men uchun vaqtinchalik hisob ochadi.

Shunday qil:
1. MCP vositalarini ishlata olsang (kod yozadigan AI vositasi yoki ilovadagi «Connectors / Ulagichlar» bo'limi): serverni yuqoridagi manzil bilan ula. O'zing sozlay olmasang, menga qaysi tugma yoki faylga nima yozishni qadamma-qadam ayt. Ulangach Toqi'ning get_started vositasini chaqir va u beradigan ko'rsatmaga amal qil.
2. MCP'ni ishlata olmasang: sahifani yaratdim deb aldama. Buni ochiq ayt va menga ayt: Toqi.uz tahrirlagichida «AI bilan» tugmasini bosib, sening uchun maxsus matnni nusxalab shu chatga yuborayin. O'sha matn bo'yicha sen menga savollar berib, bitta JSON berasan, men uni Toqi'ga qo'yaman (batafsil: https://toqi.uz/ai).
3. Hammasini o'zing qur. Ma'lumot yetmasa, o'ylab topma (telefon, narx, sharh va reytingni faqat men bergan yoki rasmiy manbadan ol) va menga savollarni BIR-BIRLAB ber: bitta xabarda faqat BITTA savol, javobimni kutib keyingisiga o't.
4. Odam qilishi kerak bo'lgan ish chiqsa (masalan hisobni Telegramda tasdiqlash, to'lov), Toqi senga QR-kod va havola beradi: ikkalasini menga ko'rsat va nima qilishni tartib bilan ayt.
5. Tayyor bo'lgach nashrdan oldin natijani menga ko'rsat.

Mening topshirig'im:
[shu yerga nima qurish kerakligini yozing: kimning sayti, nima haqida, qaysi tilda, kerakli ma'lumotlar]

Ulangach AI hisobni o'zi ochadi, sahifa yoki saytni quradi va sizga QR-kod va havola beradi. Telefon kamerasi bilan skanerlab (yoki havolani bosib) Telegram'da «Tasdiqlash»ni bosasiz, shundan keyin AI nashr qila oladi.

MCP'siz oddiy chat ham bo'ladi

AI chatingizda ulagich bo'limi bo'lmasa (masalan, bepul tarif), baribir ishlaydi. Toqi tahrirlagichida «AI bilan» tugmasini bosing (yangi sayt uchun: «AI chat bilan qurish»), matnni nusxalab AI chatga yuboring. AI sizdan kerakli narsalarni birma-bir so'raydi (bitta xabarda bitta savol) (havolalar, telefon, xizmatlar, narxlar, rang) va oxirida bitta JSON kod bloki beradi. Uni shu oynaga qo'ysangiz, natija sahifada darhol ko'rinadi; yoqmasa bekor qilasiz yoki ko'rinishning ekran rasmini AI'ga yuborib o'zgartirtirasiz.

Sahifalaringizga o'tish: tahrirlagichni oching va «AI bilan» tugmasini bosing.

Xavfsizlik

AI faqat o'zi ochgan yoki sizning hisobingizdagi sayt va sahifalarni ko'radi.
Tasdiqlamaguncha nashr yopiq, vaqtinchalik hisob bir haftadan keyin o'chadi.
O'z hisobingiz bilan ishlatsangiz, panelda kalit yaratib ruxsatlarni o'zingiz belgilaysiz va istalgan vaqt bekor qilasiz.

AI uchun qisqa ma'lumot

Toqi.uz: sayt va vizitka sahifa quruvchi. MCP server (Streamable HTTP, JSON-RPC): https://toqi.uz/mcp. Kalitsiz ulanib create_account bilan vaqtinchalik hisob oching, keyin get_started. Odam bajaradigan qadamlar uchun vositalar QR-kod va havola qaytaradi: ikkalasini foydalanuvchiga ko'rsating. MCP ishlata olmasangiz, buni ochiq ayting va foydalanuvchiga Toqi tahrirlagichidagi «AI bilan» tugmasini tushuntiring: u sizga matn beradi, siz savol berib bitta JSON qaytarasiz.